Fundir og viðburðir — 10 March 2012
Ráðstefna um virkni á efri árum 14. mars, Grand hótel

Í tilefni af Evrópuári aldraðra, verður efnt til ráðstefnu á Grand hótel, þann 14. mars næstkomandi. Velferðarráðuneytið, Landssamband eldri borgara og Öldrunarráð Íslands standa fyrir ráðstefnunni um virkni á efri árum – samband og samstöðu kynslóða.

Evrópusambandið tileinkar árið 2012 öldruðum; virkni á efri árum og samstöðu milli kynslóða (e. European Year for Active Ageing and Solidarity between Generations) og er ráðstefnan liður í þátttöku Íslands í verkefnum og viðburðum sem tengjast Evrópuárinu 2012.

Ráðstefnan hefst með tónlistaratriði, setningarávarp flytur Jóna Valgerður Kristjánsdóttir, formaður Landssambands eldri borgara og síðan flytur Guðbjartur Hannesson velferðarráðherra ávarp. Guðrún Pétursdóttir og sr. Bernharður Guðmundsson ræða málin frá sjónarhóli eldri borgara og Matthildur María Guðmundsdóttir og Níels Thibaud Girerd frá sjónarhóli yngri kynslóða. Kynnt verður niðurstaða rannsóknar á framlagi eldri borgara til samfélagsins og niðurstöður rannsókna á þjóðfélagsþátttöku og virkni eldri borgara. Kynslóðir mætast um miðjan dag í tónlistariðkun þar sem Ragnar Bjarnason og Erpur Eyvindarson taka lagið og í lokin flytur Guðmundur Andri Thorsson rithöfundur erindi sem ber yfirskriftina Við þurfum á hvert öðru að halda.

Ráðstefnan verður haldin á Grand hótel Reykjavík, miðvikudaginn 14. mars kl. 13.00-16.00. Ráðstefnustjóri verður Pétur Magnússon formaður Öldrunarráðs Íslands. Aðgangur er ókeypis og allir velkomnir.

Sjá dagskrá á vef Velferðarráðuneytisins.

Tengt efni

Share

About Author

admin

(0) Readers Comments

Comments are closed.

UA-26279970-3