Allir farsímar á evrópskum markaði munu geta notað staðlað hleðslutæki, en evrópuþingið (EÞ) samþykkti tilskipun þessa efnis í gær. Símaframleiðendurnir Samsung, Apple og Nokia verða þar með að bjóða upp á staðlað hleðslutæki fyrir evrópska neytendur árið 2017.
Kostirnir samfara breytingunum eru sparnaður fyrir neytendur og minnkun á rafeindabúnaðarúrgangi. Mismunandi hleðslutæki hafa erið ekki bara milli fyrirtækja, heldur einnig milli tegunda síma, spjaldtölva og annarra tækja.
Tilskipunin verður næst tekin til atkvæðagreiðslu í ráðherraráði ESB áður en hún verður að lögum.